حبها بدون مايشوفها وشافها وهي ميته
حكايه شاب وسيم عمره بين22 و 23 مايعرف عن الحب شي ولامره بحياته حاول انه يعرف شي عن الحب له طله مقبوله واللي يشوفه على طول يحبه سافر والله وفقه بوظيفه بس بعيد عن اهله اللي ساكن فيها والمكان اللي توظف فيه يمشي الحال بس زيارات البنات على المكان هذا كثيره وبيوم جت وحده ودخلت المكان هذا وشافت الولد هذا فآعجبت فيه كثير واخذت رقم المحل لانه موجود على اللوحه برا ويوم راحت للبيت اتصلت عليه وحاولت تحتك فيه بالكلام بس حست اسلوب جاف شوي ولاقدرت تآخذ وتعطي معاه وصار كل يوم الساعه 11 المساء تتصل عليه على شان تتعرف عليه اكثر وتتكلم معاه وهو مايعرف شنو يقول بس يسمع ويقول ايه وطالت الايام على الطريقه هذي تشجع مره وسآلها شنو الهدف من مكالماتك هذي ولوين تريدين توصلين هي جاوبت على طول لانها منتظره هالسؤال هذا قالت:انا اريد اوصل لقلبك قال:طيب انا ما اعرف اتكلم عن فيه ولا افهم لغته قالت: انا بعلمك على ايديني واخليك تصير فيلسوف حب,المهم طالت المحادثه وجت ايام وراحت ايام وعلى الطريقه هذي وهي تعلم فيه وهو يستوعب بسرعه لين خلاص حب الولد من قلبه لدرجة انه صار ما يقدر ينام الليل من كثر التفكير فيها وكل اصدقاءه صاروا يحسون انه متغير ولا يآكل ونحف وصار يفكر كثير ويسرح كثير واحيان يخطي باسمها وينادي اصدقاءه وهم مايدرون يسآلونه من الاسم هذا لان من شكله مبين انه حب وخلاص اعلى مراحل الحب وصل ,دارت الايام ومرت سنه على هالطريقه هذي, واتصل عليها بيوم وكان مزعوج قال لها: انتي شفتيني وشفتي شكلي وعرفتي اسلوبي وصار لنا سنه وحتى الان ماشفتك ولاشفت حتى صورتك قاله له:انتظر شوي بضبط وضعي واخليك تشوفني قال ..لا..لا.. لازم اشوفك وماراح اسكر لين توعديني متى؟ قالت:طيب الخميس الجاي راح نطلع للمكان الفلانينتقابل هناك والكلام هذا كان يوم السبت تخيلو الانتظار من السبت لين الخميس اصعب لحظات عمره كان مقضي يومه كله نوم على شان بسرعه الايام تمشي وصل يوم الاربعاء وبدا يفكر...كيف راح يكون شكلها طويله قصيره بيضاء سمراء نحيفه دبدوبه حلوه مثل ماهو راسمها بخياله ؟ كان يفكر بكل شي واتصلت عليه يوم الخميس قالت له:يالله احنا طالعين وسيارتنا كذا شكلها ولونا كذا ورقم اللوحه كذا قال :تمام ..اسمعي انا كل الطريق مقدر اصبر اريدك كل دقيقتين تشيكين على جوالي على شان احس انك معاي موجوده وادري انك ما تقدرين تكلمين لان اهلك معاك صعبه بس اقل شي كل دقيقتي شيكي قالت : اوكي تحركت السياره وهو تحرك بعدها على طول وكل دقيقتين تجيه تشيكهوعلى الجوال لين انقطعت التشييكات اكثر من عشر دقايق ماقدر يصبر ارسل رساله ولا ردت عليه تردد وتردد كثير مايدري يتصل او يخاف يحرجها مع اهلها المهم قرر ويوم دق على جوالها مر من جنبه سياره اسعاف متجهه بنفس الطريق اللي هو يمشي فيه من كثر ماهو مخبوص نزل الجوال جنبه اسرع ورا السياره وخلى الجوال يدق(معاودة الاتصال آليا) المهم وصل شاف حادث اكثر من مرعب منظره مافيه عايله كامله يمين الخط متنثره فيها اربع بنات وشايب ووحده عجوز كلهم اشكالهم ميئوس منها بشكل خيالي السياره هي نفس السياره ونفس اللوحه ونفس اللون بس كيف راح يعرفها من بين الاربع بنات وهي حتى ما وصفتله حتى شكلها نزل مع اللي نزلو يشوف بقايا حلمه وبقايا امله صار يناظر يمين يسار ولو يشوفها ماراح يعرفها سمع صوت جوال يرن حاول يتبع الصوت لقى وحده ماسكه جوالها بيدها وهي شبه ملطخه بالدم ومافي امل من انها تعيش الا بعد اذن الله شاف اسم المتصل بجوالها لقى مكتووب!!!!(امل عمري)قال:يمكن هذي وحده من صديقات البنت هذي لاكن بلا شعور رفع الجوال وناظر للاسم اللي هو ؟(امل عمري) وفتح الرقم وكانت الصدمه انه شاف رقمه لان الجوال لقاه مع وحده كان الجمال ما انخلق لغيرها بس للاسف فارقت الحياه وانقلبت اسعد لحظات عمره بثواني الى اتعس ايام العمر الرقم لقاه رقمه ولقى اسمه مكتوب (امل عمري) صدمته خلته ينهار ويغمى عليه وانقلوه معاها للمستشفى هي انتقلت الى رحمه الله بس هو عاش اقصد ماعاشت الضحكه بعدها يوم وترك الوظيفه وتعقد من عيشته ومن نغمه جواله ولايتكلم مع احد الا اذا كان مجبور انه يسولف ويكره اي احد يجيب ابجديه الحب قدامه سافر عن المنطقه اللي كان موظف فيها وتعرف على امل عمره اللي انتهى فيها واخذ عهد على نفسه انه مايجي المنطقه الا بنفس اليوم اللي توفى حلمه فيه وصار كل سنه بنفس اليوم يسافر للمنطقه ويمر نفس المكان ويجلس فيه ساعه ويرجع لمنطقته...
اتمنى تعجبكم القصه....تحياتي لكم
الخميس سبتمبر 30, 2010 12:38 am